件tee 做好左，想映幾張相放係surf ace 同其他雜誌，於是就屈左相熟既studio 免費影。
又無錢請model ，又怕樣衰，於是就自已上陣，之後用黑邊遮住自已個樣。
以前去studio 跟shoot 就多，比人影就第一次，動作生硬似碌木。
我重記得影完之後，攝影師哥哥重好真誠咁同我講“下次正正經經搵model 影啦〜“
果一刻我個腦唔知點解，出現左周星馳係少林足球裡面全身得番幾亳子，買左支維他奶，好無奈咁係街邊飲果一幕（係一樣感懷身世，定係覺得自已既行為都好騎呢？！)
終於經個好幾次大修(中間有２，３次都係唔滿意既prototype)，件tee design 去到最終版本。
有幾個大改動：
1. 加左Ｄ浪（浮世繪）既pattern
2. 加左slogon : may the wave be with you (yoda大師同我講既)
3. 個大surf ace logo 去左後面，斜斜地扮型。
4. 左邊袖加左條金線。
改下改下終於見得人啦,可以mass production 。
嘩,收到第一件prototype 啦〜
第一個感覺就係 ：好肉酸呀〜 要我出錢買，我一定唔會買！！
只有後面條拉鏈ok.
勢成騎虎加洗濕個頭，只好再改啦。
由於似波衫，所以改左下面個款， 留意中間有條灰膠邊扮wetsuit.
後面條leash 就重有好多 surface.com.hk, 順便promote 個site .
下面依然有個tag 寫住dry suit, 不過個廠家由頭到尾都無做，可能佢覺得唔型，不過都係想慳錢居多。
大 project 1.
surf ace tee 由idea 到production.
差唔多一年。我慢，我懶，不過我堅持。
雖然依家都重係蝕緊，我可以用果舊錢買好多件我鐘意既衫，
不過老土Ｄ講，滿足感係用錢買唔到。
創作概念好簡單，我想做一件surfer 有共鳴，可以著出街既衫。
於是就諗住做一件著出街既 wet suit , 所以件衫叫做 dry suit.
下面幅圖就係 1st design.
有Ｄ似波衫，所以後來改左。
PS. 未比錢既surfers, 請比錢亞coke.
第一件surf ace 產品（得一件）
依件就係surf ace 第一件product : surfer gal’s board.
只得一件，係我送比太太結婚一周年的禮物。我托朋友係上海搵factory 做的。
我重記得送黎果刻開心到呢〜
之後有想過mass production,
不過成本太貴，都係放棄。
也好，我無錢買頭版，
不過我有本事做全世界得一件既禮物送俾我既The One.
surf ace 依個名係亞虎諗既。
而我就將依兩樣combine 一齊
Ace logo 中有一塊滑浪板，就係咁簡單。
PS. 之前都做左Ｄ防水sticker.
有興趣要可以留言，免費。